Bukas na Liham para kay Pres. BS Aquino III

Mr. President BS Aquino III,

Magandang araw po.

Nakalap na po ba ng mga assistants ninyo ang mga #BigasHindiBala at #BigasHindiDahas sentiments ng mga boss? Kung oo, nabasa na po ba ninyo? Kung nabasa na po, nakakain po ba kayo ng maayos pagkatapos? Kung nakakain naman, nagkamay po ba kayo? Kung nagkamay po kayo, nakapaghugas na po ba kayo ng kamay? O maghuhugas-kamay pa lang?

Sana nabusog po kayo sa inyong mga meals. Kailangan nyo po talaga ng lakas. Kailangang maging maayos ang inyong kalusugan. Kailangang maging matatag ang inyong pagtindig sa harap ng mga boss. Marami pa po ang umaasa na may magagawa kayong mabuti sa huling buwan ninyo sa pwesto. Sulitin nyo po ang mga huling araw ninyo Mr. Pres. BS Aquino III. Ipakita ninyo po sa aming mga tinatawag ninyong BOSS na kahit papatapos na ang inyong termino, kapakanan ng mas nakakaraming maliliit at naghihirap na BOSS ang iniisip ninyo.

Sabi po ng manghuhula sa Quiapo, sasabihin mo raw na hindi kapulisan ang unang nagpaputok. Sasabihin mo raw na kasalanan ito ng mga elemento na ayaw isulong ang peace process sa probinsya.

O mali po yung manghuhula? Parang yung pagkakalito ko na hindi daw Benigno Simeon ang ibig sabihin ng BS sa pangalan nyo po?

Kung totoo naman po yung sabi sa hula, naisip nyo po ba, kahit katiting lang, na baka hula lang talaga iyon? O alibi kaya? Paninira? Panggugulo? Karuwagan? O gusto nyo lang po talaga ng bad publicity para may dahilan po kayo para ipasa ang sisi sa iba?

Mr. Pres. BS Aquino III, bakit nadagdagan na naman po ang nagbuwis ng buhay na nanghihingi lamang ng tulong sa PAGKAIN, LUPA, at HUSTISYA? Mahirap po ba talaga sa inyong kalooban na pagbigyan ang mas nakakaraming boss na nagugutom at naghihirap?

Pagpasensyahan nyo na po ako, Mr. President. Gutom lang po siguro ito. Hindi po kasi ako makakaing mabuti. Hindi ko po alam kung ilang boss na katulad ko ang nawawalan ng ganang kumain sa sinapit ng mga magsasaka sa Kidapawan. Nagsasaka din po kasi ang tatay ko.

Hanggang dito na lang po, Mr. President. Yung BS lang po talaga ang gusto kong itanong, kaso napahaba. Gusto ko po kasing kalimutan ang gutom.

Sumasainyo.

About walangmalay

Walang Malay is a figment of sentiments, of wonders and perplexities, of ideologies and dreams, of anything about something. Ako ito, walang malay... o nawalan ng kamalayan...

Posted on April 2, 2016, in Foolitics, Introspections. Bookmark the permalink. 7 Comments.

  1. Haidie Sangkad

    Baka imported ang kanin n’ya. Galing Vietnam or China. Kaya siguro may plastic sa veins nya.

  1. Pingback: When I hate to be right | BuzzStop

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: